تخيل انسان اول دكتورمصري يشوفه يقوله: انت المفروض تكون ميت دلوقتي
ولما يسافر المانيا الدكتور المعالج ليه يقوله برضو انت ممكن تعيش من 2 ل 4 اسابيع مش اكتر من كده انت عشت بس عشان والدتك طبيبه وعرفت تهتم بيك بس مش هتعيش كتير

ايمانويل نبيل او مانو كان شاب وحيد عاش حياه مرفهه….. من 11 سنه عمل حادثه بالعربيه بتاعته وكان عمره اقل من 20 سنه كان معاه واحد صاحبه ف العربيه لكن محصلش ليه اي حاجه
اما مانو فاطبق سقف العربيه عليه وحصله كسر في فقره عنقيه واتقطع النخاع الشوكي بين C5 &C4 (قالنا كأن ربنا بيقوله انا عايزك انت مش عايز حد تاني )
وكان التقرير شلل رباعي تام من أعلى الرقبة إلى آخر أطراف الأقدام، …… ومن بعدها تحول مانو من الشاب المستهتر اي انه دلوقتي بيسموه نيكولاس مصر
مانو لما بيتكلم عن الحادثه وعلاقته بربنا بيقول انا كنت اعرف عن الله لكن لم اعرف الله
وقال انه كان عنده كل حاجه ومش محتاج ربنا ف حياته … ولما واحد ساله انت مش زعلان من ربنا ؟؟؟ رد عليه وقاله انا كنت عمري ما هعرف ربنا من غيره الحادثه ديه….. ده من رحمه ربنا بيا انه خلاني عايش لحد دلوقتي (انا لو كنت مت ف اليوم ده كنت هروح الهلاك )
مانو حصل على ديبلوم عن طريق بصمة الصوت بعد سنين من الحادثه
وبعدها حصل من جامعة فينيكس علي شهادة في إدارة الأعمال بامتياز عن طريق بصمة الصوت، ومن سنه 2008 مانو بيشتغل مترجما
مانويل ووالدته العظيمه بالرغم كل اللي فيه ده مش هتلاقي حد يتكلم عن ربنا وعدله وجماله زيهم كده ….فعلا ربنا بيدي التجربه للناس اللي تقدر تستحملها