ترنيمة انا يكفيني إنك ويايا – كلمات ترنيمة انا يكفيني إنك ويايا

أنا يكفيني إنك ويايا

1 – أنا يكفيني إنك ويايا يكفي حياتي بل ويزيد
أنا مطمن للي ها تعمل للي تشوفه للي تريد
هز العش يا سيد بيَّ أنا مطمن للجناحين
اللي فاردهم من تحتيَّ يتلقوني بكل حنان

2 – أنا يكفيني وعدك لي وجهك ساير من قدامي
تفضل إنت يا سر حياتي ماشي معايا بطول أيامي
هز العش وشيل من قلبي كل زوان ومحبة غريبة
نقي طهر انزع حرر خلي قارورة الطيب مسكوبة

3 – أنا يكفيني إنك ملاحظني إني في شعبك إني نصيبك
مهما تكون صعبة البرية إنت صايني في حدقة عينك
هز العش وطلَّع منه كل سلام مش إنت أساسه
كل ضمان لي في العالم أو أشواق ليَّ في ميراثه

4 – أنا يكفيني أكون لك وحدك تبقى نصيبي لكل زماني
شوق جوايا إني اتبع طرقك نبعك يملا كل كياني
هز العش ده أنا مش عايز حاجة تعطل شهوة قلبك
أنا باخضع لك باعلن طاعتي هز العش وقدس عبدك

ترنيمة انا يكفيني إنك ويايا – كلمات ترنيمة انا يكفيني إنك ويايا