ترنيمة جايين وبصرخة قلب – كلمات ترنيمة جايين وبصرخة قلب

جايين وبصرخة قلب المحتاج طالبين العون

1 – جايين وبصرخة قلب المحتاج طالبين العون
عارفين إنك بالحكمة الإلهية أسست الكون
لكن خطايانا البشرية هدمت أركان الحرية 2
واتملت الأرض التعبانة بشرور وذنوب وجريمة وضرب
ومآسي كتير وجرايم حرب

القرار
ارحم ارحم ارحمنا يا رب
عايزينك تيجي يا رب وتملا الأرض حياة
وتفيض ع الأرض محبة وخير ونجاة
وبحبك نعرف إيه الحب وإيه معناه
ما هو إنت الحب وإنت أساسه
وإنت إنت غناه

2 – جايين وبصرخة كل مريض في البيت مرهون
عارفين إنك وحدك تشفي عبيدك وشفاك مضمون
عالج كل جروحات متخبية امسح آلامات قاسية قوية
عالج باللمسة الإلهية واحكم بأوامر سماوية
ما هو سلطان الكلمة الحية فوق كل الطب

3 – جايين وبصرخة كل فقير مذلول مطحون
طالبين تدي له الحاجة اللي تصونه من غير ما يهون
ارفع الأزمات متقسية استر أبواب متغطية
وادي له الرزق المتقدر وافتح له الباب المتسكر
اوسع قدامه طريق الكسب من خير الرب

ترنيمة جايين وبصرخة قلب – كلمات ترنيمة جايين وبصرخة قلب