ترنيمة علي صوتك – كلمات ترنيمة علي صوتك
علّي صوتك
القرار:
علي صوتك بالتسبيح وانشد للمسيح
هو الاسم الغالي العالي ليه كل المديح
هو شفيع الناس وبدمه الخلاص
قوم رنم له إدي له المجد ده حبه لينا ميراث
1 – ارفع إيدك عاليه لفوق كرامة للقدوس
ده على حساب دم صليبه ضعفاتنا بندوس
المس مجد الآب وافتح قلبك باب
قوم رنم وإدي له المجد ده جاي على السحاب
2 – صقف ياللا لربي بإيدك وارفع أحلى نشيد
خللي حضوره ومجده فينا يوم ورا يوم بيزيد
ده روحه الساكن فينا يرشد ويعزينا
قوم اهتف وإدي له المجد ده هو الفخر لينا
