ترنيمة علي يا ملايكة علي – كلمات ترنيمة علي يا ملايكة علي

علي يا ملايكة علي

القرار:

علي يا ملايكة علي عظمي الرب الإله

ضمي صوتك لينا ضمي ليسوع أعظم إله

1 – هو ده اللي نحب سيرته ماله تاني ولا سواه

ده ف كلامه وف مسيرته يا جماله ويا ماحلاه

2 – هو ده المصلوب عشاننا ولا فيه بغيره الخلاص

ده الطريق اللي يوصلنا والوسيط لله والناس

3 – هو ده اللي يعدي يشفي ويدي للميت حياة

والخطايا بدمه يمحي ويرفع الأحزان بعزاه

4 – هو ده الرب اللي يفتح إيده يشبع من رضاه

كل حي وكل مطرح فيه عيوننا بتترجاه

5 – هو ده اللي بحق يكرم بالحياة وحتى الممات

صاحب الاسم المعظم في الأراضي وف السموات

ترنيمة علي يا ملايكة علي – كلمات ترنيمة علي يا ملايكة علي