ترنيمة غنوا معايا – كلمات ترنيمة غنوا معايا
غنوا معايا (أفرح) – تأليف (أنكل نعيم)
القرار:
غنوا معايا يا شعب الرب تعالوا نرنم ليه
إحنا فرحنا أساسه مسيحنا وهوه اللي محليه
جمع ما بين قلبين – خللانا واحد فيه
ومادام يسوع موجود – في حياتنا نفرح بيه
1 – ياللي جمعت اتنين واديتهم عهد سلام وأمان
إملا حياتهم من بركاتك حب وخير وحنان
افتح إيديك بالخير – إدينا وإدي الغير
فضلك علينا كتير – يا صاحب الإحسان
2 – ياللي حضورك مالي بيوتنا فضل ونعمة ونور
عايزك تيجي وتغمر بيتي فرح وخير وسرور
لا الشر يدخل فيه – ولا الشيطان يؤذيه
قوة يسوع تحميه – واسمك عليه منشور
3 – إنت هنانا وإنت معانا مهما الرحلة تطول
واحنا هنهتف طول السكة ليك يايسوع ونقول
البيت ده بيت الله – مليان فرح وصلاة
والعيشة تحلى معاه – والقلب بيه مشغول
