ترنيمة كانت سودا ايامي – كلمات ترنيمة كانت سودا ايامي

كانت سودا أيامي

كانت سودا أيامي كانت همومي قدامي

كانت أفكاري شر وساد

صارت بيضا أحلامي وانزاحت عني أوهامي

والحب اللي كان ضايع مني عاد

القرار:

لما سلمت قلبي بدمه غسّل ذنبي

لما أعلنته ربي يسوع بحنانه جاد

ع قلبي سلامه ساد

1 – يا ما قضيت الليالي حيران وعم باسأل حالي

لوين الموت موداني معقول جهنم عنواني

شو كان يخوفني البكرة والمستقبل شو مخبا لي

أنا هلا متأكد إني تحررت ورايح ع الجنة

باعرف إني ما بستاهل لكن ربي تقاصص عني

2 – إذا بدك تكسب حياتك حرام تضيع أوقاتك

ما تفكر مصاري زيادة بتقدر تعطيك السعادة

كل العالم مش راح ينفع ولا بتفيدك مصرياتك

يسوع الواقف على باباك ناطر يسمع جوابك

إجا ع العالم حتى يخلو حياتو كلها ع حسابك

ترنيمة كانت سودا ايامي – كلمات ترنيمة كانت سودا ايامي