ترنيمة كل يوم بيعدي – كلمات ترنيمة كل يوم بيعدي

كل يوم بيعدي

1 – كل يوم بيعدي باقول أنا بس ليك

وحياتي هاتشهد عنك وعيني هاتبقى عليك

وآدي وأبص لنفسي وأشوف إنسان أناني

قلبي مش ملك ليك … إديته لحد تاني

القرار:

باحبك يا يسوع خليني أعيش أمين

باحبك يا يسوع أنا ليك طول السنين

عايز أقول إني باحبك قلبي بيهتف ويقول

باحبك يا يسوع

2 – مرات كتيرة باعيش وبانسى إني ابنك

وامشي ورا أوهام في الدنيا تاخدني منك

مالقيتش اللي يكفيني واللي يخليني سعيد

لأني في بعدي عنك كنت باعيش وحيد

3 – اقبلني يارب بضعفي مين هايغيرني غيرك

اقبلني يارب بحيرتي واملاني كمان من خيرك

ومهما إن عشت تايه هاجي وارجع لك تاني

وحتى إن صاح الديك أنا هاشهد ع اللي فداني

ترنيمة كل يوم بيعدي – كلمات ترنيمة كل يوم بيعدي