ترنيمة بيك افراحي ابتدات – كلمات ترنيمة بيك افراحي ابتدات

بيك أفراحي ابتدأت

1 – بيك أفراحي ابتدأت وصبح ليها طعم روحاني
بيك يا يسوع المسيح
بيك ألحاني امتلأت بكلام عن رب فداني
بيك يسوع المسيح
من قلبي اللي صبح مرتاح باعلن مبتدأ الأفراح (2)
أيوه أنا دقت إزاي قدامك .. تهرب أحزاني

2 – بيك خطايايا اتغفرت ودماك فوقي وساتراني
بيك يا يسوع المسيح
بيك خطايايا انطرحت في بحور كلها ناسياني
بيك يا يسوع المسيح
بيك يا يسوع المسيح باعلن مبتدأ التسبيح
والترانيم والصلاة هايفوح منها عطر اللي فداني

3 – بيك الظلمة انطردت والنور ابتدا يملاني
بيك يا يسوع المسيح
بيك النعمة امتلكت فيَّ وبرك ده كساني
بيك يا يسوع المسيح
بالروح عربون الأمجاد باعلن مبتدأ الأعياد
واسجد لك والقلب يفيض ويعود ويرنم تاني

4 – بيك الغلبة دي عملت نهضة وتجديد في كياني
بيك يا يسوع المسيح
بيك النفس اعتزت بصليب وخلاص مجاني
بيك يا يسوع المسيح
بالدم علامة العلامات باعلن مبتدأ الهتافات
ياللا يا سما اهتفي إنما بهتاف عالي وسلطاني

بيك أفراحي ابتدأت وصبح ليها طعم روحاني
بيك يا يسوع المسيح
بيك ألحاني امتلأت بكلام عن رب فداني
بيك يسوع المسيح

ترنيمة بيك افراحي ابتدات – كلمات ترنيمة بيك افراحي ابتدات