الرد على عمرو نور الدين
عمرو نورالدين يتهرب من فريق اللاهوت الدفاعي، فشاهد ماذا حدث له
عمرو نورالدين يتهرب من فريق اللاهوت الدفاعي، فشاهد ماذا حدث له
أعزائنا أعضاء صفحة فريق اللاهوت الدفاعي، موعدكم اليوم أيضًا مع أطروفة جديدة للشيخ عمرو نورالدين، فبعدما رددنا عليه أمس وهرب من أمامنا ولم يستطع الرد، حاول اليوم أن يرد على فضيحة أخرى له قال فيها أن الحجر الأسود سيشفع له، ولسوف نعرض اليوم الفيديو الذي فيه كلامه، ثم نعرض رده، واسمحوا لنا أن نتكلم بالعامية المصرية في أغلب هذا الرد، وكمان اننا نهزر مع ضيفنا شوية عشان يقدر يستحمل ردنا.. يلا بينا؟ يلا
ضيف المصيدة انهاردة هو شاب كيوت الوجه، ثقيل الوزن والدم، العالِم العلّامة، الحبر الفهامة، ضيفنا وضيفكم: الشاب عمر نورالدين..
ترحيب ترحيب ترحيب..
هو الكلام على اية؟ يوم 28 مايو عرضنا فيديو لعمووورة بيقول فيه إن الحجر هيشفع له يوم القيامة، والغريب إن ده كلامه فعلا، وإحنا مازودناش عليه حاجة ولا حتى علقنا على كلامه في الفيديو، فإحنا مش عارفين هو بيرد على كلامه ولا بيرد على اية؟ عموما خلونا نشوف هو قال اية ونرجع
أهو يا جماعة، ده كلام مين؟ ده كلامنا؟ مين اللي قال أن الحجر هيشفع له يوم القيامة؟ إحنا ولا عمورة؟
المهم ان كلام عمرو ضايق عمرو برضو، وبدل ما يعتذر عن كلامه ده، حاول يرد علينا واحنا ماقلناش حاجة عن كلامه أصلا! المهم، دي فرصة نوريكم علماء مقارنة الأديان عندهم مستوى فهمهم عامل ازاي ومستوى علمهم بالاسلام والمسيحية لما بيواجهوا مدافعين متخصصين حقيقيين.. هانمسك كلامه سطر سطر ونرد عليه ونبين لكم إزاي بيستغفل متابعينه.
عزيزي القائم على صفحة اللاهوت والمظلوط تحياتي مرة تانية وبعد :
يا عموورة يا حبيبي، مش إحنا قلنا لك إمبارح إن بلاش استخفاف دم؟ ما هي حاجة من الاتنين، يا إما يكون دمك خفيف فعلا وتكون موهبة فيك، وده مش حاصل، يا إما تكون ثئيل (ثقيل) الدم وبتستظرف! وبصراحة إحنا أصلا مستحملين جهلك العلمي بالعافية، فحفاظا على صحتنا، بلاش استظراف الله يعمر بيتك. اسمها صفحة فريق اللاهوت الدفاعي..
المسلم لا يعتقد أن الحجر الأسود فقط سيشفع فيه بل نعتقد في شفاعة الأنبياء وشفاعة الشهداء وشفاعة الطفل الصغير الذي يموت دون البلوغ ..
أنعم وأكرم أنعم وأكرم! وإحنا مالنا يا عموررررة؟ هو إحنا طلبنا انك تقول لنا منيو الشفعاء؟ إحنا عرضنا فيديو لكلامك إنت بتقول فيه ان الحجر شفيع يوم القيامة، بس كدا! سواء في شفعاء تانيين أو مافيش، إحنا مالنا؟ انت مش عارف تقول اية بتكتب أي كلام وخلاص؟ حاسين بيك يا عمووورة.
كل هؤلاء شفعاء في الإسلام ، وبالتالي الشفاعة لا تعني العبادة ،
طيب واحدة واحدة عليك عشان إنت حبيبنا واحنا عارفين ان مستواك المعرفي والمنطقي بعافية حبتين:
أولا: بص يا عمورة، لو افترضنا فرضا فرضا ان شفيع = معبود، فده مش معناه انك لما تقول لي انك عندك أكتر من شفيع، يبقى كدا نفيت عن نفسك عبادة الشفعاء دول، لية يا عمورة؟ لأنك عادي ممكن تبقى مشرك عادي جدا، انت اول مرة تعرف اللفظ ده ولا اية؟ فإنت هنا مش عارف تكتب جملة منضبطة منطقيا، لأنك بتقول “وبالتالي” فمافيش مقدمة منطقية عشان تقول “وبالتالي” الشفاعة لا تعني العبادة، لأ يا عمورة، الشفاعة ممكن تعني العبادة (بنتكلم جدلا جدلا) وتكون انت مشرك بتعبد أكتر من شفيع عادي جدا، فبلاش تحاول تتكلم بالمنطق، انت مش بتعرف تقرأ لغة عربية أصلا.
ثانيا: بذمتك بذمتك يا عمورة، هل إحنا علقنا وقلنا ان الشفاعة تعني العبادة؟ يعني هل احنا لما انت قلت ان الحجر الأسود شفيع، هل احنا علقنا وقلنا ان طالما الحجر الأسود شفيع يبقى انت بتعبده؟ انت بترد علينا ولا على ناس تانية؟
ثالثا: ياريت تعرفنا أية مفهوم “العبادة” عندك! فانت بنفسك، بشحمك الكتير ولحمك الكتير، بعد شوية هاتنسى كلامك ده، وهاتتهمنا بالشرك وبعبادة الصليب على الرغم من اننا مش بنعبد الصليب ولا حاجة! لكن طالما هاتعتبرنا بنعبد الصليب وبكدا نبقى مشركين، يبقى من حق أي حد يقول عليك انك مشرك لأنك بتبوس حجر وبتلف حول حجر (الكعبة) وبترمي حجر بحجر (الجمرات) وبتقول أن حجر هايتكلم وكمان يشفع ليك، لكن احنا مش بنقول إن الصليب هايتكلم ولا يشفع لينا. فعايزين نعرف المعيار عندك عشان نطبقه عليك كمان.
فهل وجدت مسلما يعبد نبياً أو يعبد طفلا صغيراً ميتاً أو يعبد شهيداً !
ما هو ده حسب مفهومك لكلمة “عبادة”.
لو معتبر المسيحي بيعبد الصليب، يبقى انت أكيد بتعبد الحجر الأسود اللي معتبره هايشفع لك!
لو معتبر المسيحي بيعبد الصليب، يبقى انت أكيد بتعبد الحجر الأسود اللي معتبره هايشفع لك!
لو معتبر المسيحي بيعبد الصليب، يبقى انت بتعبد رسول الاسلام لإن في عقيدتك ماينفعش شخص يكون مسلم ولا مؤمن لما يقول “لا إله إلا الله” ويسكت، لأ لازم يكمل.
لو معتبر المسيحي بيعبد الصليب، يبقى انت أكيد بتعتبر الناس اللي اسمها “عبدالنبي” و”عبدالرسول” إلخ، مشركين أو أبائهم مشركين لأنهم سموهم “عبد” والعبودية لله وحده.
لو معتبر المسيحي بيعبد الصليب، يبقى أنت أكيد مشرك لأنك بتقول على القرآن أنه “غير مخلوق”. فكدا إنت بتعتبر الله غير مخلوق، والقرآن كمان غير مخلوق. (وياريت تحاول تتكلم في الموضوع ده بس تذاكر كويس عشان نبين جهلك)
إلخ إلخ، كفاية عليك كدا، العفو عند المقدرة..
أو هل وجدت مسلماً يعبد الحجر الأسود ويرسم وشماً به على يده أو يعلقه في سلسلة على صدره أو يسجد وينحني له وبه !؟
يابني، هو انتم عارفين شكله أصلا عشان ترسموه أو تعلقوه في سلسلة؟!
وبعدين، مين اللي قال لك إن لما حد يرسم وشم على ايده يبقى كدا بيعبده أصلا؟ ومين اللي قال لك ان لما حد يعلقه في سلسلة يبقى كدا بيعبده؟ انت جيبت منين ان دي معايير العبادة؟ فين المنيو بتاعك!؟
يعني دلوقتي لما أحرجك وأجيب لك سلاسل أو ميداليات فيها مصحف أو كعبة، يبقى كدا اللي بيلبسها بيعبد المصحف هو الكعبة؟
طب خد يا زلفي
يبقى كدا حسب كلامك انت، ومعيارك انت، فإنت مشرك، صح ولا مش صح؟
عزيزي المدافع عن المظلوطياااااه على خفة دمك يا عمووورة، يااااه على الفكاهة انت ازاي فكية كدا؟
المسلم يعتقد أن الحجر الأسود يشهد لكل من استلمه وهو يحج أو يعتمر ،
طيب ده إيمانك، إنت حر، إحنا مالنا؟ غيرك برضو من الهندوس عندهم ايمانهم الخاص بيهم، انتم أحرار يا عموورة.. بس المهم ماتعترضش على اعتقاد غيرك بقى، داري على شمعتك تبيض …آآآ قصدي تقيييييد (شوفت؟ من ظرافتك المبالغ فيها بهت عليّ)
لكن مع تمام اعتقاده أن الحجر الأسود لا ينفع ولا يضر كما قال سيدنا عمر رضي الله عنه..
يابني يا حبيبي، يا حبيبي يابني، انت واعي لكلامك ولا بتقول كلام وخلاص؟
إنت عندك الحجر الأسود بيشفع لك، وبيغفر الخطايا (إن مسح الحجر الأسود والركن اليماني يحطان الخطايا حطا. رواه أحمد وصححه الألباني)، إنت واعي؟
يا أم نياظي، صحي نياظي وقولي له أن الحجر الأسود بيغفر الخطايا وبيشفع يوم القيامة!
إزاي الحجر الأسود هايشفع لك وبيحط الخطايا حطا، وإزاي في نفس الوقت لا “ينفع”؟ هي الشفاعة ومغفرة الخطايا دي مش حاجة كويسة (نافعة) يعني؟
وبعدين ده من كلام بشر وكمان فرد من الصحابة، مش قرآن يعني، فهل أنت بتقبل كل تفسير من كل صحابي مثلا عشان تحتج بكلام عمر؟
يا إما بتؤمن بكل شيء قاله الصحابة، حتى لو صحابي واحد وحيد، يا إما ده يكون رأي الصحابي ويلزمه هو بنفسه، لكنه مش “دين” ومش “إيمان”، ولا إنت بتنقي اللي يعجبك وتؤمن بيه واللي مايعجبكش ماتؤمنش بيه؟
ننتقل عزيزي المدافع عن اللاهوت والمحطوط
محطوط؟ اللهم إني صائم
معنى الشرك هو أن تشرك مع الله غيره في عبادته ، حلو كدا !؟
معنى الشرك أية ياخويا؟ معنى الشرك أية يا عنيا؟ معنى الشرك هو أن تشرك؟ يا راااااااااجل؟ شوف إزاي!
ما تنطق يابني أية معنى الشرك!
إنت كنصراني بتعمل إيه ؟ تشرك المسيح مع الله في عبادته
بجد؟ إحلف؟ إنت فاجئتني بالموضوع ده يا دوولة! بتهزر بتهزر…
إحنا بنشرك المسيح مع الله؟ يعني انت ماتعرفش إن المسيحيين بيقولوا أن المسيح هو الله نفسه مش شريك لله؟ دي معلومة جديدة عليك يعني؟ ده مستواك وجاي تتكلم فريق اللاهوت الدفاعي؟ صدقني يا عمورة، مستوى الطفل في مدارس الأحد عندنا أفضل من مستواك!
وبعدين مش أنا أثبت لك إنك انت نصراني في الرد اللي فات؟ حتى شوف: عمرو نورالدين في قبضة الفريق – حاول الرد علينا فشاهد ماذا حدث له
فتارة تقول المسيح ابن الله وتارة تقول المسيح هو الله !
لأ لأ، ماتقولش بقى! إحنا بنقول إن المسيح هو الله شوية وبنقول ان المسيح هو ابن الله شوية؟
– يعني مايمشيش معاك إن المسيح هو الله من حيث الطبيعة وهو ابن الله من حيث الأقنوم؟
= تؤ تؤ، عمورة قال يبقى عمورة صح
يعني حضرتك كدا إيه ؟ قول انتا بئا !..
حضرتنا مبسوط من مستوى المتخصصين بتوعكم! مستوى يدعو للشفقة…
أنا بجاوبك بكل بساطه وعقلانيه
واضح واضح دا أنت بتقول درر
(بالمناسبة: “عقلانية” بالتاء وليست بالهاء يا بحر العلم)
علشان عارف ومقدر إنكم غلابه في موضوع البحث العلمي وكدا ..
أما موضوع عبادتكم للصليب يكتب بولس الرسول كما في اعتقادكم :
يعني إنت متأكد إنك هاتجيب نصوص بولس الرسول بيقول فيها إننا بنعبد الصليب؟ متأكد ولا هاتضيع وقتنا معاك؟ تقدر يعني؟ طب تعالى
أَمَّا أَنَا فَحَاشَا لِي أَنْ أَفْتَخِرَ إِلّا بِصَلِيبِ رَبِّنَا يَسُوعَ الْمَسِيحِ،
الرسالة إلى غلاطيّة ٦: ١٤
حووووش العبودية حووووش، فين يابني كلمة “عبودية” في النص؟
النص بيقول “أفتخر” تقوم انت تحولها لـ”عبودية” بقدرة قادر؟ يابني أنت بتتعاطى برشام للهجص؟
ما تنطق يابني فين العبودية إمال!!!! لو راجل، هات لفظ عبودية للصليب من الكتاب المقدس كله! ده لو بقى.
وفي انجيلك متى يقول : ومن لا يأخذ صليبه ويتبعني فلا يستحقني” ( مت ۳۸:۱۰)
يااااااه على العبودية اللي مغرقة النص! “يأخذ صليبه” حولها عموووورة إلى “يعبد صليبه”؟ دا انت افتحمتنا يا عمورة
يابني انت عندك مشكلة مع المدرسة وانت صغير؟ يعني كنت بتهرب من حصة العربي؟ المستر كان بيعمل لك حاجة كرهتك في العربي يعني ولا اية مشكلتك مع اللغة العربية؟
ما النص بيقول “يأخذ صليبه” ويتبعني! انت ازاي حولتها إلى “يعبد” صليبه؟ يعني إنت لما أبوك ياخدك، يبقى بيعبدك؟ أنت معاك شهادة KG1 وماكملتش بعدها؟
فكما ترى بعينك
أه، أرى بعيني أن النص قال “أفتخر” والنص الثاني قال “يأخذ صليبه”، فين بقى لفظ عبودية في النصين؟ أنت ثقافتك هندوراسي؟
بولس رسولك يفتخر بالصليب الذي صلب عليه ربك يعني ربك مصلوب ميت على الصليب واتخذتم الصليب شعارا مع أنه الأداة التي مات عليها ربكم
فين هنا بقى العبودية للصليب؟ ما تنطق يابني فين العبودية؟!! ولا انت عندك إن الشعار = عبودية؟ عرفنا بس انت بتفهم ازاي عشان نتواصل مع مخك بالطريقة اللي بيفهمها.
وفي متى من لم يأخذ الصليب الذي هو الأداة التي مات عليها ربكم فلن يستحق يسوعكم !
حلو، برضو فين هنا عبودية الصليب؟ فييييييين عبودية الصليب؟ يا جدعان، حد شايف كلمة عبودية في النص؟ حد شايف دعوة لعبادة الصليب؟ يابني انت واعي للي بتقوله؟
بالمناسبة يا عموووورة، عشان تعرف أن مستوى معرفتك زي مستوى معرفة البطاطا، فإلهك المسيح هنا قال النص ده قبل الصلب أصلا، وكان المقصود هنا هو الاضطهاد اللي بيشوفه رسل المسيح من أيامها.
طيب يعني أنا لو مؤمن بالمسيح بس مش واخد الصليب معايا ماذا سيكون حكمي !؟
تاخده معاك فين يا عمووورة؟ 🙂 انت فاهم النص إنك تمسك الصليب وتمسكه معاك وتعلقه في رقبتك؟ دا انت لقطة
حكمي أني غير مستحق للمسيح ..
لا، ناخذ من كل رجل قبيلااااااا
يعني الصليب من صلب العقيدة والإيمان عندكم ولا لا يا متعلمين !؟
يابني، فين اننا بنعبد الصليب؟ انت عمال تلف وتدور لية؟
طب خلينا نسألك نفس السؤال عشان تعرف الورطة اللي بتورط نفسك فيها:
يعني الكعبة من صلب العقيدة والإيمان عندكم ولا لا يا متعلمين !؟، فهل كدا أنت بتعبد الكعبة؟
يعني الحج من صلب العقيدة والإيمان عندكم ولا لا يا متعلمين !؟ فهل كدا انت بتعبد الحج؟
يعني القرآن من صلب العقيدة والإيمان عندكم ولا لا يا متعلمين !؟ فهل كدا انت بتعبد القرآن؟
يعني السُنة من صلب العقيدة والإيمان عندكم ولا لا يا متعلمين !؟ فهل كدا انت بتعبد السُنة؟
فلو انت فاهم ان الصليب كجماد من صُلب العقيدة، ومعنى كدا اننا بنعبده، يبقى انت بتعبد الكعبة والحج والقرآن والسنة؟
لكن لو تقصد أن العمل اللي قدمه المسيح على الصليب اللي هو الفداء والخلاص من صلب العقيدة ولا لأ، فطبعا هو من صلب العقيدة، بل هو صُلب العقيدة.
والسؤال هل وجدت يا عابد اللاهوت والناسوت في الإسلام نصاً يقول من لم يأخذ الحجر الأسود فلن يستحقني مثلاً !
لا يا عابد الدهر (الدهر في الاسلام هو الله)، وجدناك تقول أن الحجر سيتكلم ويشفع لك يوم القيامة، وأن الحجر الأسود يحط الخطايا، فهل يغفر الخطايا إلا الله؟ بس ده توحيد “صفات” بيني وبينك وكدا.
ولمن لا يعرف، فالله في الاسلام هو الدهر، والدليل:
أو هل وجدتم نصاً يوصينا بالإفتخار بالحجر الأسود ؟
لاااااا، حاشا وماشا وكلا ويلا، ودي تيجي؟ وجدنا إنكم بتشاوروا له بأيديكم (الاستلام) وبتبوسوه، وبتؤمنوا أنه هايجي يوما القيامة ويكون الحجر بيتكلم وبيشوف، ويشفع ليكم، وبيغفر الخطايا (عند المسح)….
لا بس المسيحيين دول مشركين أوي يا جدع
الحجر الأسود عندنا مجرد حجر لا يضر ولا ينفع
يابني، إزاي بيشفع لك وبيغفر الخطايا (يحط الخطايا حطا) وبيشهد على من استلمه بحق، وبتقول أنه لا ينفع؟ انت عايزه يعمل اية تاني؟
وبعدين رسول الاسلام ما قالش الجملة اللي انت بتقولها دي أصلا!
ولولا أن رسول الله قبله ما قبلناه فنحن نقبله لتقبيل رسول الله له
ما هو لية أصلا رسول الاسلام قبله؟ ما تقول لنا! وبعدين هو انت لو بتحاور مسيحي او شيعي أو ملحد، وقلت له إنكم بتعملوا كدا عشان رسول الله قبله، فهل تفتكر ان ده هايمنع انك مشرك برضو؟ ما هو المسيحي والشيعي والملحد والربوبي وووو مش بيؤمنوا بقدسية النصوص دي ولا الأفعال دي أصلا!!
أبسطها لك عشان انا عارف ان الـ IQ عندك بعافية شوية، …. إنت تعرف أصلا يعني اية IQ؟
دلوقتي لو المسيحي قال لك إننا بنقول على المسيح أنه “إبن الله” لأن الكتاب المقدس مكتوب فيه ان المسيح “إبن الله” فهل كدا انت هاتقول له: يبقى كلامك صح ويحق لك كمسيحي إنك تقول إن المسيح إبن الله؟ ولا هاتقول برضو ان عقيدة وجود ابن لله كفر وشرك وووو؟
نفس الموضوع، لما انت تقول لمسيحي أو لحد مش مؤمن بإيمانك ده، ان رسول الاسلام قال، فده مش معناه عند الشخص التاني إنك مش مشرك! لأ، هاتفضل مشرك برضو (حسب فهمك).
فخيمتو يا خبيبي ولا نجول كمان؟
لأنه من الجنة ليس أكثر ..
إيمانك بيقول أنه من الجنة، إنت حر في إيمانك، لكن غيرك مش مؤمن بإيمانك ده، هو بيقيس كلامكم على أفعالكم.
فكونك بتقول أن المسيحيين بيعبدوا الصليب، يبقى بنفس المقياس المضحك بتاعك انت إنت بتعبد الحجر الأسود.
مافيش دليل أن الحجر من الجنة أصلا.
بلاش تلصقوا عقد النقص التي عندكم بنا
دي عقدة نقص ناس مضحكين عشان نضحك عليهم زيك كدا 🙂 لو تقصد كدا فماشي.
لكن لو على الصليب، فنبحطه في وشك ع طول يا عموووورة.
لأننا لا نستحيي من شيء في ديننا ونعرف كل شيء فيه
فأفعل ما شئت.
، بخلاف قوم ضلوا
يا حرام… فعلا إحنا بنعبد حجر وبنلف حوالين حجر، وبنرمي حجر بحجر، وفي حجر بنبوسه ونمسح عليه، وبيشفع لينا، وبيحط خطايانا.. دا انتوا وحشين أوي يا مسيحيين يا مشركين يا نوووتي.
حتى أنهم لا يعرفون من يعبدون فتارة يعبدون ابن الله وتارة نكتشف ان ابن الله طلع هو الله نفسه
يابني، يابنااااااي، انت حد مسلطك علينا عشان تضحكنا؟ يابني أنت تكتشف أه لأنك جاهل جهل مركب، لكن احنا حتى أطفالنا عارفين ان المسيح هو الله من حيث الطبيعة وهو ابن الله من حيث الأقنوم.
طب سؤال على مستوى فهمك، هو محمد، انسان ولا إبن إنسان؟
ردد ورايا هليلويا سبع مرات وربع
